麻煩女王全裸發火 袁嘉敏怒斥Jeana搞是非轟杜文澤抽水 (2015年2月5日, 20時30分)
王晶的三級性喜劇《鴨王》上映一星期勁吸300萬票房（截至2月4日），戲中一脫成名的袁嘉敏Candy人氣爆升，報紙雜誌連載式播放她與Jeana的罵戰真人騷，是非纏身的Candy這天邊浸Spa邊怒斥Jeana引發的小學雞罵戰，還轟爆舊拍檔杜汶澤趁機抽水，她說：「每個人都有不同階段，他們有言論自由，可能真係前世欠落，我唔想用言語暴力去傷害人，其實你唔鍾意可來摑我，唔好轉頭走去同記者講，或者他們真係好鍾意寫文字去抒發情緒，我控制唔到，亦唔需要太多時間去理解他們。」聽Candy連珠發炮，指當日《豪情3D》露點與否不到杜汶澤出聲，看來這場罵戰將會有排玩。 採訪：彭燕燕
攝影：李維隆 Make up：Seci K
場地提供：Amigo Spa（電話：2780 1968）
三級性喜劇《鴨王》的票房在連串是非帶動下爆起，露點演出的袁嘉敏慘被男主角何浩文Dominic及何佩瑜Jeana夾擊圍攻，不屑有人搞是非玩杯葛的Candy說：「其實無分誰對誰錯，只係大家Approach唔同，老實講，大家都是做了幾年都唔紅的人，難得有人畀機會，點解要咁？觀眾入場都係想睇到你有冇心機拍，而唔係胡鬧一餐呃飯食，我知宣傳公司會嘩眾取寵去爭取大家注意力，Sell《鴨王》係今年首部三級喜劇，令外間認為又是王晶的屎尿屁，加埋我會露點，但其實導演區焯文好有心機去拍，Dominic亦演得好好，點解唔好好把握這宣傳平台向觀眾介紹自己？」
晶哥面前除剩底褲
九年選港姐入行、在無碌了四年的Candy，最終成功簽太陽娛樂晉身影圈，先後接拍《賭城風雲》、《屍城》及《豪情3D》等電影，直至晶哥出面力邀，終在《鴨王》作全裸演出，Candy坦言過程不好受，她說：「Casting要上晶哥Office驗明正身，在他面前除剩底褲，拍攝性愛場面又無清場，好多男工作人員金睛火眼望住我，件衫好似一除就唔返，加上導演好新，好多時唔知自己想要乜，我又無助手跟身，全程光脫脫，裸露時間比我預期長，遊艇那場重頭戲拍足24小時，成件事好難受。」雖然唔多開心，但一切已過去，這天Candy選擇浸Spa享受，分享其美胸心得，原來浸得多，心口真係會滑，「試埋個岩盤浴仲Work，排毒一流。」
自稱膽小怕事
說到大堆是非湧埋身，連杜汶澤都趁機踩多腳，Candy說：「部戲拍15日，我只拍了其中6日，那段日子壓力大到日日喊，好驚Jeana這種人，拍戲我係勇字當頭，但現實生活我好膽小怕事，至於杜汶澤都來攻擊，我覺得唔重要，首先我不是阿澤第一個會攻擊的人，亦不會是最後一個，我識他8年，曾見證他美好一面。」說到有傳阿澤嬲她當日拍《豪情3D》臨場拒露點，Candy即轟對方冇資格出聲，她說：「我覺得阿澤唔係一個壞人，只係鍾意講多。他有才華的，部戲他只係做演員不是監製，他是不清楚我們傾片約或成個執行流程，現在已是2015年，件事都經過了兩個Happy new year，如他要繼續Hold住個情緒，我都無辦法。」
※三圍34E、23、34的Candy弗到漏，這天笑對是非罵戰，浸泡泡浴鬆一鬆。
※Candy強調要好好保養副靚Body，故要定時排毒美肌，低推油話剝就剝，東北半球任睇。
※有傳杜汶澤因不滿Candy拍《豪情3D》反口不露點，Candy則反串阿澤是不知情的演員。
※面對Jeana搞是非玩杯葛，Candy說：「唔鍾意可來摑我，唔好轉頭同記者講是非。」
※說到遊艇露點片早在網上流傳任睇，Candy表示好震驚又無奈。
※長達一小時的訪問，Candy多番讚Dominic好戲，唯獨不忿對方目光淺窄，「大家好唔同，有入戲院睇會知，《鴨王》唔係低俗三級片，有點似《色戒》，導演真係好俾心機拍。」
